Nola antolatu dezaket nire lehen akuarioa?

Zure etxeari ukitu berezia eta argitasun handia emango dion akuario bat nahi baduzu,  hona hemen hura muntatzeko zenbait aholku.

-    Aukeratu akuarioa eta non jarri: Normala denez, eman beharreko lehenengo urratsetako bat da erabakitzea non kokatu nahi dugun gure akuarioa, daukagun espazioa ezagututa, tamainarekin asmatzeko. Aditu askok gomendatzen dute akuarioak gutxienez 80 litroko edukiera izatea; izan ere, zenbat eta handiagoa izan akuarioa, orduan eta gutxiago estresatuko dira arrainak.


-    Iragazkia eta argiztapena: Behin akuarioa aukeratu dugunean, iragazki egokiena zein den eta zein argi mota behar duen erabaki behar dugu, erabiltzen dugun uraren arabera.


-    Akuarioaren hondoa: Hurrengo pausoa gehitu nahi diogun dekorazioa erabakitzea izango da. Hainbat elementu jar ditzakegu, hala nola harea, landareak eta apaingarriak, baina gehiegi kargatu gabe, gure arrainak igeri egiteko lekurik gabe gera ez daitezen.


-    Ura: Gure akuarioa betetzeko kontuan izan ur hotzarekin egin behar dugula beti. Oso garrantzitsua da ura egoera onean izatea, arrainak ahalik eta denbora gehien bizi daitezen. Horretarako, antikloroa eta hainbat egokitzaile erabiltzea komeni da. Gainera, adituek gomendatzen dute uraren zati bat 15 egunean behin berritzea, gure akuarioak dituen baldintzak ezagutu eta behar bezala zaindu arte.


-    Arrainak: zer arrain sartu erabakitzeko, kontuan hartuko ditugu arrainen eta akuarioaren ezaugarriak. Egokienak hautatu ondoren, pixkanaka gehitu beharko ditugu. Adituek gomendatzen dutenez, lehenik eta behin, ireki gabe, arrainak garraiatzen duen poltsa jarri behar da akuarioko uraren gainean, tenperatura berdintzeko.Zenbait minutu igaro eta tenperatura berdindu ondoren, poltsan arrainontziko baso bat ur sartu beharko dugu. Hamar minutu geroago, arrainak urtegian sartu ahal izango ditugu, ura bota gabe.


-    Kantitatea eta elikadura: Arrainak modu mailakatuan gehitu behar ditugu, akuarioa hasieratik bete gabe; eta elikadurari dagokionez, komeni da maiz eta dosi txikitan botatzea jana,gehiegizko elikadura saihesteko.
 

Itzuli