Adi zomorroekin! Nola ekidin eta aurre egin izurriteei.

Landareak beti daude arriskuan. Gure zainketa ezin bestekoa da zomorroen bisita jaso ez dezaten edo izurriteak jota hil ez daitezen.

Zorionez, barneko landareak ez dute kanpoko landareak bezain maiz izurriteen erasoa jasotzen. Hala ere, garrantzitsua da adi egotea, bai barruan baita kanpoan ere. Eguraldi onarekin agertzen hasten dira zomorroak eta izurriteak, beraz, beroa hasten denean begiak zabalik eduki eta xomorroak bilatu! Lupa bat baduzu bilaketa erraztuko dizu.

Bestalde, oso garrantzitsua da zure landarea ezagutzea eta ezohikoa den zerbait ikustean (orbanak, dekolorazioa, hosto horiak, zuloak edo hostoen deformazioak) jarri martxan.

Zeintzuk dira gure landareei erasotzen dieten izurrite nagusiak?
Izurrite ohikoenak kotxinila, landare-zorria, armiarma gorria eta trip-a dira. Garrantzitsua da zurtoinak, kimuak eta hosto samurrenak ondo aztertzea hauek ekiditeko.
Nolanahi ere, loreontzian edo lorategian, garrantzitsua da izurria ezagutzea eta tratamendurik egokiena aplikatzea.

1. KOTXINILA: Lapa forma duen intsektu bat da, normalean marroia edo zuria, landarearen izerdia xurgatzen duena.

  • Prebentzioa: Zaindu hostoaren eta zurtoinaren arteko lotura-puntua, intsektu honen leku gogokoena baita.
  • Tratamendua: ur eta xaboi potasiko nahasketa batekin egin dezakezu. Landare osoa likido honekin lainoztatu, eta ziurtatu hostoak ere bustitzen dituzula.
     

 

2. LANDARE-ZORRIA EDO PULGOIA: Oboidea eta horia, berdea edo beltza. Oro har, ez daude isolatuta, pilatuta baizik, eta erraz identifika daitezke.

  • Prebentzioa: Landareren bat loretan edo loratzear baduzu, litekeena da bertan ibiltzea.
  • Tratamendua: pulgoia erraz ezaba daiteke presiozko ur zorrotada bat aplikatuz, eror dadin. Kontuz ibili ez dadin hondarrik geratu balizko larbak hiltzeko eta berriro ager ez dadin. 

3. ARMIARMA GORRIA: Akaro oso txikia da, giro bero eta lehorretan garatzen dena.

  • Prebentzioa: Saihestu lehortasuna, tenperatura altua denean, urarekin lainoztatu.
  • Tratamendua: Zapi heze batekin kentzen ditu akaroak hostoetatik. Egiaztatu armiarma eta arrautza arrasto guztiak kentzen dituzula. Armiarma gorria tratatzeko produktu on bat potasio xaboia da.

4. TRIP-AK: Oso intsektu txikiak dira, kolore marroi ilunekoak. kentzeko zailena den izurritea da, azkar hedatzen dira eta. 

  • Prebentzioa: Trip-ak hostoen euskarrian daude.
  • Tratamendua: Trip-ak ezabatu ditzakezu hostoak oihal batekin eta farmazia alkoholarekin garbituz. Potasio xaboia ere oso era ona da honi aurre egiteko.

Ez ahaztu, iradoki dizkizugun tratamenduez gain, gomendagarria dela intsektizidak aplikatzea, gure Azpeitiko gardenean aukera zabala dugu, beraz, zatoz eta galdetu dituzun duda guztiak! 

Itzuli