POINSETTIA: gabonetako espiritu gorri eta berdea
Poinsettia (Euphorbia), Pazko edo Gabon Gaueko lorea, jatorriz Mexikokoa da eta Gabon garaiko ikurra da, bere lore gorri eta berde deigarriak direla eta. Zer esan poinsettiaz? Bada, izugarri gustatzen zaigula Gabonetan etxean edukitzea.
Poinsettia ezin hobea da etxeari kolorea eransteko eta baita Gabonetako ospakizun batera gonbidatuta bazaude oparitzeko ere, oparotasuna eta zori ona sinbolizatzen baititu. Ez izan zalantzarik, eraman bat! Gainera, poinsettiaren brakteak (hostoak) erabil ditzakezu Gabonetako lore-konponketetan eta dekorazioetan, hala nola koroetan eta mahai-erdikoetan.
Gabonetako landare tipikoa da, eta ohikoa izaten da jai egunak amaitu aurretik hiltzea. Zenbat poinsettiek amaitu ote dute zakarrontzian... Hurrengo Gabonak arte zure etxean irautea nahi baduzu, hemen dituzu saihestu beharrekoak:
- Gehiegi ureztatzea: gehiegi ureztatzen baduzu, sustraiak urez betetzeko arriskua duzu. Hori dela eta, sustraiak hezetasun handiegiaren ondorioz usteltzea saihestu ezazu.
- Ez busti hostoak, kolorea galdu eta zimeldu egingo dira.
- Poinsettia Mexikon jaioa da, ez dago aire hotzera eta neguko korronteetara ohitua.
- Argia garrantzitsua da pazko-lorea hazi eta garatzeko, baina inoiz ez dio argiak zuzenean eman behar. Egokiena erdi-itzalean egotea da.
- Ez utzi berogailutik gertu. Hostoak erortzen hasiko zaizkio eta poliki-poliki hil egingo da.
Oinarrizko aholku hauek eta “Poinsettia zaintzeko trukoak” artikuluan irakur ditzakezun beste zainketa batzuk kontuan hartzen badituzu, luzaro iraungo dizu poinsettiak.
