Txakurren komunikazioa ulertzeko ikastaroaren bigarren zatia

Txakurren komunikazioa ulertzeko ikastaro berria izango da Kimubat Gardenen, datorren azaroaren 10ean, 17:30etatik 19:30etara. Bigarren zati honetan, txakurrek igortzen dituzten seinaleetan sakonduko dira eta txakurren arteko jokoaren ezaugarriak definituko dira. Honen harira, atal teorikoan ikasitakoa praktikan jartzeko bideoak ikusiko dituzte bertaratzen direnek. 

Honez gain, ikastaroan arreta berezia jarriko zaio animaliak bidaltzen dituzten seinaleei. Honela, seinale hauei erreparatuz, hurrengo galderari erantzuna ematen saiatuko dira parte-hartzaileek: txakurrak jolasten ari dira?

Tailer teoriko-praktiko honekin txakurren komunikazioari buruzko oinarrizko ezagutzak eskuratuko dituzte parte hartzen dutenek. Ez da beharrezkoa lehen zatira joan izana parte hartzeko.

Ikastaroak 10€ balio du eta jada izena emateko aukera dago. Parte hartzeko interesa dutenek, garden@kimubat.eus helbidera mezua bidali edo 943 15 00 85 zenbakira deitu dezakete.

NOIZ: Azaroak 10 | 17:30-19:30
NON: Kimubat Gardenen (Urrestilla bidea, z/g, Azpeitia) 
PREZIOA: 10€ 
IZEN-EMATEAK: garden@kimubat.eus | 943 15 00 85