Urriko zereginak

Zein dira urrian egin beharreko lanak eta zer landatu daiteke?

Udazkenarekin batera, urrian egin beharreko lanak datoz. Hurrengo lanetako askok datorren urtean emango dituzte fruituak.

Lorategia

• Adar lehorrak kendu: Ahalegindu landareen atal guztiek argia izan dezaten, indartsuago garatuko dira. Zimeldu ahala, kendu loreak.

• Orain arte baino gutxiago ureztatu, eta euria egiten badu, ez dago ureztatu beharrik.

• Kalteak egin aurretik plagak kontrolatu eta kendu: barraskiloak,  bareak, beldarrak, inurriak eta intsektu kaltegarriak.

Soropila edo zelaia

• Jaso zelaira eroritako zuhaitz eta zuhaixken hostoak eta konpondu kaltetutako eremuak.

• Lehenago egin ezean, zelaia lehengoratu, eguzkiak eta udako beroak lehortu eta kaltetutako eremuak berrereinda. Lehenbizi, azalera ongarritu.

Terraza

• Urrian, tenperaturaren jaitsierak oso kontuan izan behar dira, lehen izozteak izan baitaitezke. Landare sentikorrenak babestu behar dira, gauetan plastikozko poltsekin, zakuekin edo barrura sartuta.

Baratzea

• Belar txarrak kendu.
• Uzta jaso ondoren, fruta-arbolen eta mahatsondoen adartxo lehorrak kimatu.
• Udaberri amaieran landatutako patata berantiarrak jaso daitezke. Leku ilun eta freskoan gorde.