Ikaztegietako proiektuaren azalera berria

Ikaztegietako plazako jolas eremuan esku-hartze berria amaitu dugu.

Lehen fasea gauzatu ondoren, bigarren honek aire librean jolasteko eta esploratzeko aukera ematen duten elementuak gehitu ditu: erliebedun guneak, lurrean integratutako txirrista, kulunkak, oreka-jokoak, muinoak eta biraka dabilen pieza, mugimendua eta jakin-mina pizten dutenak. Xehetasun bakoitza arretaz diseinatu dugu haurrek askatasunez jolastu, beren gaitasunak garatu eta une ahaztezinak partekatu ditzaten, ongizatea sustatzen duen ingurune batean.

Kimubaten uste dugu jolasa funtsezkoa dela haurren hazkuntzan, eta horregatik sortzen ditugu espazio seguruak, inklusiboak eta biziz betetakoak. Gure helburua Ikaztegietako —eta gure proiektuak dauden beste herrietako— haurrek abentura, irudimena eta zoriona pizten dituzten txokoak aurkitzea da.