Herrera: espazio degradatuak eraldatzen

2026-09-15

Herreran, lehenago paseatzeko edo lasai esertzeko aukerarik ematen ez zuen espazio urbano bat berreskuratu eta topagune berri bihurtu dugu.

Donostiako Parke eta Lorategien Departamentuak eta LUPO enpresak, proiektuaren kontzeptuaren eta diseinuaren arduradunak, eskatu ziguten obraren egikaritzea. Proiektu konplexua izan da, hainbat erronkari aurre egitea eskatu diguna, baina baita elementu eta xehetasun interesgarri ugari izan dituena ere.

Horien artean, Galiziatik ekarritako granitozko pieza handien garraioa eta instalazioa, ur-kanalaren ezarpena eta landaketaren diseinua nabarmentzen dira. Izan ere, landarediak protagonismo handia du proiektu honetan, eta urarekin batera, espazioaren nortasunaren parte bihurtzen da. Beheko grada-eremuak ere garrantzi berezia du, ur-lorategi baten moduan planteatutako espazioa baita.

Anfiteatro baten itxura hartzen duen espazioak maila eta altuera desberdinak uztartzen ditu, eta horrek ibilbide, ikuspegi eta txoko ugari sortzen ditu. Orain, bankuei eta berdeguneei esker, gelditzeko, atseden hartzeko, paseatzeko eta inguruaz gozatzeko lekua ere bada.

Landarediak protagonismo berezia du. Eskaileretan enredadera bat txertatu dugu, denborarekin hazten joan eta espazioaren parte bihurtuko dena. Zuhaitz eta landareek, gainera, itzal-guneak sortzen dituzte, eta horrela, espazioa atseginagoa da urteko une desberdinetan.

Proiektuak sinbologiaz betetako elementuak ere ezkutatzen ditu. Horien artean, uraren ibilbidea gidatzen duen akueduktua dago: ura leku zehatz batera bideratzen du, espazioari mugimendua eta izaera propioa emanez. Eta, ia ezkutuan, lauburu bat ere txertatu da.

Auzo barruan arnasa hartzeko espazio bihurtu da.