Belar usaintsuen baratzea sortu eta haiekin sukaldatu

Belar usaintsuen baratzea, zapore eta usain konbinazio amaigabeak eskura izatea da. Belar fresko hauek ukitu berezia ematen diete infusioei eta teei, labean egondako haragiak ontzen dituzte, entsaladen zapore nabarmentzen dute edo edariak lurrintzen dituzte. Gainera, urte osoan izango dituzu eskura!

Baratzearen munduan hasi nahi baduzu, belar usaintsuak aukera bikaina dira; ez dute leku handirik behar, loreontzietan ere landa daitezke, eta zaintza oso erraza dute. Gehiago sakondu nahi baduzu, gure “Laborantza mahai ezberdinak ezagutu” artikuluak erabakitzen lagunduko dizu. Landare aromatikoak landatzeko, CORMA LANDARE AROMATIKOEN gama gomendatzen dizugu. Aukera zabala da, profesionaltasunez eta mimoz landua, zure etxean azkar eta osasunez haz daitezen. Etxean bertan belar aromatiko freskoak izatea benetako luxua da!

Hona hemen zure baratzean falta ezin diren belar usaintsu batzuk. Lurretik zuzenean platerera edo eltzera joango dira. Ez dago aitzakiarik: aukeratu gustukoenak eta animatu zure belar usaintsuen baratzea sortzea.

PERREXILA

Mediterraneoko landarea da, sukaldean gehien erabiltzen denetakoa. Urterokoa da, beraz, denboraldi bakoitzean erein beharko duzu. Oso poliki ernetzen du, hilabete ere igaro daiteke. Beraz, pazientzia! Ernetzen den bitartean hezetasun handia behar du.

Lehorteekiko oso sentikorra da; hori dela eta, egunero ureztatu behar da, baina ura pilatu gabe.

Sukalderako proposamena > arrozekin, saltsa oinarriekin edo arrautzaztatuekin bikaina da. Tabulé entsalada tradizionala kuskusa eta perrexil xehetuarekin egiten da. Zure perrexila hazten denean, probatu!

ALBAHAKA

Albahaka ere urteroko belarra da, eta jatorriz Irangoa. Oso erraza da lantzen, baina martxotik aurrera landatzea komeni da. Eguzki pixka bat gustatzen zaio, baina itzala ere maite du. Ur asko behar du; klima oso beroan bizi bazara, lurra lehortzen den bakoitzean ureztatu beharko duzu.

 

Sukalderako proposamena > entsaladetan, tomate eta alberjiniei zaporea emateko edo pesto saltsaren osagai nagusi gisa.

PORRU-TIPULAK

Tipula txiki bat da, eta, hau bezala, liliazeoen familiakoa da, baina, kasu honetan, hostoak jate dira, ez haien erraboilak. Hosto iraunkorreko landarea da beraz mozten baduzu porru-tipula infinituraino izango duzu.

Sukalderako proposamena > gazta-krema moduko kremetan, vichyssoise bezalako zopetan edo barazkien saltsa eta ozpin-olioetan. Freskotasuna eta usain bikaina ematen dizkie maionesei eta ozpin-olioei.

ANETA

Aneta mihiluaren familiakoa da, eta horregatik du anis zapore bereizgarria. Argi asko behar du, baina ez zuzena. Urtean zehar ez du ur askorik behar; udan, ordea, astean bi edo hiru aldiz ureztatzea komeni da.

Sukalderako proposamena > izokinarekin edo urraburuarekin bikaina da, baita pasta platerekin ere. Erremolatxa tartar batean ere ezin hobea da.

MARTORRIA

Martorria, txinatar perrexila ere deitua, urteroko landare aromatikoa da. Hosto berde biziak ditu, eta itxuraz perrexilaren antza handia du. Lurra beti heze mantendu behar da, baina putzurik sortu gabe; ez du lehorterik jasaten.

Sukalderako proposamena > ia edozein plateretan erabil daiteke. Entsaladetan, saltsetan, zopetan, gisatuetan, marinadetan, kontserbetan eta ozpinekoetan erabiltzen da, baita smoothie zuku eta postreetan ere.

MENDA

Menda belar usaintsu iraunkorra da, oso azkar hazten dena. Barietate ugari ditu: piperita, ingelesa, beltza eta mendafina.

Sukalderako proposamena > oso moldakorra da. Plater gordinetan nahiz prestatutakoetan erabil daiteke, baita jaki gazi zein gozoetan ere. Haragi gorri eta zuriekin, edariekin (mojitotik infusioetara) eta kremekin primeran uztartzen da.

Belar usaintsuak osasuntsu eta sendo haz daitezen, kalitate handiko substratu organikoa, zohikatzik gabea, erabiltzea gomendatzen dugu; adibidez, COMPO markako Hazi eta Belar Aromatikoentzako Substratua. Bereziki egokia da belar aromatikoak, aldaxkak eta landare gazteak ereiteko, baita nekazaritza ekologikorako ere.

%100 osagai organikoekin egindako zohikatzik gabeko substratua da. Landareen hazkunde sendo eta osasuntsua bermatzen du. Bere egiturak aireztapen ona eta ura xurgatzeko zein atxikitzeko gaitasun bikaina eskaintzen ditu. Humus kopuru handiak eta ongarri naturalen nahasketa aberatsak landareei 2 eta 5 aste bitarteko mantenugaiak ematen dizkie.

Horrez gain, baratzerako ongarri espezifikoa erabiltzea ere gomendatzen da, adibidez JARDINARIUM Baratzeko Ongarria, baratzeko landareen hazkundea indartzeko bereziki formulatua.

 

Itzuli