Ospatu uda barbakoa-errezeta gozo-gozoekin
2024-06-20
Eguzkiak distira egiten du, tenperaturak gora egiten du, lagunekin gero eta gehiago elkartuko gara, terrazetan eta barbakoetan egindako proposamenak zoragarriak dira… Zer egingo dugu? Ekintza guztietan parte hartu!
Beraz, barbakoa-plana baduzu udan, errezeta osasungarri batzuk utziko dizkizugu. Bai, odolkiak, haragi-zipilduak, hanburgesak eta saihetsak oso gozoak dira; baina, hori baino sortzaileagoa izan zaitezke. Ez al duzu uste? Hemen dituzu!
Oilasko- eta anana-broxetak
Osagaiak: (kubotan ebakia)
• Oilasko-bularkiak
• Anana freskoa
• Koloretako piperrak
• Gatza eta piperbeltza
Nola prestatu:
• Txandakatu oilasko-, anana- eta kolore-piperrak broxetetan
• Hautseztatu gatza eta piperbeltza
• Prestatu parrillan oilaskoa ondo egosi arte, eta barazkiak samurrak eta gorrituak egon arte.
Berenjena-medailoiak gaztarekin
Osagaiak :
- Berenjenak
- Oliba-olioa
- Gazta erruloa
- Eztia
Nola prestatu:
- Ondo garbitu berenjenak eta ebaki xerratan (ez kendu azala).
- Ura eta gatzetan sartu 10 minutuz.
- Oliba-olioa igurtzi eta errulo-gazta medailoi txikietan moztu.
- Sutan jarri gorritu arte.
- Sutatik atera eta gazta xerra bat jarri, berenjenaren gainean urtu dadin
- Gehitu ezti-zorrotada bat.
Gari-zainzuriak hirugiharrarekin
Osagaiak:
- Gari-zainzuriak
- Gantzik gabeko urdai xerrak
- Gatza eta piperbeltza
Nola prestatu:
- Bildu zainzuri bakoitza hirugihar-zerrenda batzuekin
- Olioarekin igurtzi
- Espeziak nahierara gehitu
- Prestatu 10-12 minutuz, irauliz, hirugiharra ondo kurruskatu arte eta zainzuriak samur egon arte.
Eta, amaitzeko, postrea ere parrillan egin daiteke. Zein nahiago duzu sandia edo anana? Biak daude gozo-gozoak txingarretan!
Itzuli
